G7-ի երկրները դատապարտում են Ռուսաստանին «Ուկրաինայի տարածքային ամբողջականության խախտումները շարունակելու համար» և պատրաստ են Մոսկվայի նկատմամբ նոր պատժամիջոցներ սահմանել: Այս մասին գրում է Reuters-ը՝ վկայակոչելով G7 երկրների առաջնորդների համատեղ հայտարարությունը, որն ընդունվել է Բրյուսելում գագաթնաժողովի առաջին օրվա արդյունքներով:
Համաձայն հայտարարության՝ G7-ը պատրաստ է պատժամիջոցներ սահմանել այն «անձանց և կազմակերպությունների դեմ, որոնք ակտիվորեն աջակցել կամ իրականացրել են Ուկրաինայի ինքնիշխանության և տարածքային ամբողջականության խախտումները՝ սպառնալով երկրի խաղաղությանը, անվտանգությանը և կայունությանը»:
G7-ի առաջնորդները Ռուսաստանին կոչ են անում «ճանաչել Ուկրաինայում ընտրությունների արդյունքները, ավարտել Ուկրաինայի սահմանից զորքերի դուրսբերումը, դադարեցնել գրոհայինների և զենքի հոսքը»:
