ԱՄՆ-ի Կալիֆոռնիայի նահանգի բնակիչներ Ջեֆ և Հիլարի Ուիթթինգթոնները երջանիկ էին, երբ վեց տարի առաջ ծնվել էր նրանց դուստրը՝ Ռիլանդը: Ամեն ինչ հիանալի էր այնքան ժամանակ,մինչև փոքրիկը հայտարարեց, որ նա տղա է: Զույգը կարծել է, որ դա կանցնի, սակայն Ռիլանդը չի կատակել: Սակայն, ծնողներն իրենց մեջ ուժ են գտել երեխային ընդունել այնպիսին, ինչպիսին նա կա, հաղորդում է Mirror-ը:
Ամուսինների խոսքերով՝ հենց որ երեխան խոսել է սովորել, միանգամից խոստովանել է, որ նրան դուր չի գալիս այն մարմինը, որով ծնվել է: Նա հրաժարվել է զգեստներ կրել, շատ է սիրում գերհերոսների մասին ֆիլմերը և չի ցանկանում երկարացնել մազերը:
Մեկ տարի առաջ ծնողները դիմել եմ մասնագետներին, ովքեր Ռիլանդի հետ երկար զրուցելուց հետո եկել են այն եզրահանգման, որ երեխան տրանսգենդեր է: Ջեֆն ու Հիլարին երկար մտածելուց հետո որոշել են համակերպվել: «Ռիլանդի համար չափազանց դժվար է, մենք դա հասկանում ենք: Ով էլ նա լինի, մենք շարունակում ենք սիրել նրան»,- հայտարարել է երեխայի մայրը: Ծնողներին վաղեցրել է վիճակագրությունն այն մասին, որ տրանսգենդերների 41%-ը հարազատների և մտերիմների կողմից մերժված լինելու պատճառով ինքնասպանություն են գործում:
Ռիլանդի նկատմամբ իրենց սերն ապացուցելու համար ծնողներն երեխայի մասին պատմող կարճ ֆիլմ են նկարահանել: Վերջերս այն ցուցադրել են Սպիտակ տան բարեգործական երեկոյին: Մեկ շաբաթից ավելի քիչ ժամանակահատվածում ֆիլմը YouTube-ում գրեթե հինգ միլիոն դիտումներ է հավաքել:
