Վրաստանն իր ուղին ընտրել է, ու այն տանում է Եվրամիություն, և ոչ ոք նրան չի կարող շեղել այդ ուղուց: «Գրուզիա օնլայնի» փոխանցմամբ՝ այս մասին հայտարարել է Վրաստանի նախագահ Գեորգի Մարգվելաշվիլն Շվեյցարիայի նախագահ Դիդիե Բուրկհալթերի հետ Թբիլիսիում համատեղ մամլո ասուլիսին:
Նա ընդգծել է, որ ամբողջ վրաց հանրությունը, ողջ քաղաքական դաշտը բացարձակ միասնական են այն ուղու հարցում, որով ընթանում է երկիրը:
«Ես ուզում եմ ընդգծել, որ այդ փուլը շարունակվելու է: Վրաստանը Ասոցացման համաձայնագրի ստորագրման պահից սկսելու է աշխատանքը Եվրամիությանը անդամակցելու ուղղությամբ: Այնպես որ՝ մեր ուղին ընտրված է, ու ոչ ոք մեզ չի կարող դրանից շեղել»,- ասել է Մարգվելաշվիլին:
