Իրանի Կենտրոնական բանկը խստացրել է արժույթի ներմուծման և դուրս բերման սահմանափակումները: Ֆիզիկական անձանց կողմից կանխիկ արտասահմանյան արժույթի ներմուծման և արտահանման առավելագույն ծավալը կազմում է 5 մլն ռիալ (160 դոլար): Այս մասին հայտնում է ISNA գործակալությունը:
Համաձայն Կենտրոնական բանկի որոշման՝ այդ սահմանափակումները տարածվում են ինչպես զբոսաշրջիկների, այնպես էլ Իրանի քաղաքացիների վրա:
Իրանի Կենտրոնական բանկի հոկտեմբերյան որոշմամբ արժույթի ներմուծման ու արտահանման սահմանափակումը կազմել է 5000 դոլար:
Յուրաքանչյուր զբոսաշրջիկի թույլատրվում է նաև երկրից դուրս բերել առավելագույնը 150 գրամ ոսկյա զարդեր:
Կենտրոնական բանկի այս որոշումը բացատրվում է նրանով, որ ինչպես ավելի վաղ հայտարարել էր Իրանի մեջլիսի տնտեսական հանձնաժողովի ղեկավար Արսալան Ֆաթհիպուրը, երկրից ապօրինի կերպով դուրս է բերվել ոսկու մեծ քանակություն: