Սյուզան Լևայնը երեկ դարձել է ԱՄՆ առաջին դեսպանը, ով երդմնակալել է՝ ձեռքը դնելով Kindle ընթերցիչի վրա, որում ներբեռնված է եղել ԱՄՆ Սահմանադրության պատճենը: Այս մասին հայտնում է Lenta.ru-ն:
Սա առաջին դեպքը չէ, երբ պաշտոնական անձինք երդմնակալում են՝ կիրառելով էլեկտրոնային սարքեր: Փետրվարին Նյու Ջերսիում հրշեջները դա արել էին iPad-ում ներբեռնված Աստվածաշնչի օրինակի օգնությամբ:
ԱՄՆ Սենատը Լևայնին հաստատել է Շվեյցարիայում և Լիխտենշտեյնում դեսպանի պաշտոնում: 2009-2012թթ. նա աշխատել է Microsoft-ում:
Լևայնը եղել է նաև Վաշինգտոնի համալսարանում Institute for Learning and Brain Sciences-ի համահիմնադիր: Նա ակտիվորեն աջակցել է Օբամային երկրորդ ժամկետում առաջադրվելիս:
