Իսպանիայի ավելի քան 60 քաղաքներում տասնյակ հազարավոր մարդիկ դուրս են եկել փողոցներ՝ միապետության ապագայի մասին երկրում հանրաքվե անցկացնելու պահանջով՝ գրում է The Guardian-ը:
Ամենախոշոր բողոքի ակցիաներն անցկացվել են Մադրիդում և Բարսելոնում: Ոստիկանության տվյալներով՝ մայրաքաղաքի Պուերտա դել Սոլ հրապարակում հավաքվել էր ավելի քան 20 հազար մարդ:
Հանրահավաքները սկսվել են այն բանից հետո, երբ իսպանացի թագավոր Խուան Կառլոս I-ը հրաժարվեց գահից հօգուտ իր ավագ որդու՝ Ֆելիպեի:
Ցուցարարներին չի գոհացնում արքայազնի թեկնածությունը: Մարդիկ պահանջում են հանրաքվե անցկացնել՝ Իսպանիան մնա միապետությո՞ւն, թե՞ դառնա հանրապետություն:
