Միկոյանին տեսնում ենք այնպես ինչպես Ստալինին, Բերիային, Կագանովիչին, սակայն դա Երևանի բնակիչների խնդիրն է: Այսօր լրագրողների հետ հանդիպման ժամանակ ասաց Հայաստանում Լեհաստանի արտակարգ և լիազոր դեսպան Զդիսլավ Ռաչինսկին՝ անդրադառնալով Երևանում Անաստաս Միկոյանի արձանի տեղադրման շուրջ բարձրացած աղմուկին:
Բանախոսը նշեց, որ իր սերնդի համար Միկոյանը եղել է ստալինյան ֆունկցիոներներից մեկը: «Նրան տեսնում ենք այնպես, ինչպես Ստալինին, Բերիային, Կագանովիչին: Եթե չեմ սխալվում, հայկական փաստաթղթերում ևս մնացել է բացասական առումով թե՛ լեհական, թե՛ հայկական պատմության մեջ: Հայ քաղաքացիական գործիչների հետ չենք խոսում այդ մասին: Դա հենց հայերի խնդիրն է, Երևանի բնակիչների խնդիրն է»,- ասաց նա:
