ԱՄՆ իշխանությունները կատարում են 6 ալպինիստների որոնողական աշխատանքներ, ովքեր անհետ կորել են Վաշինգտոն նահանգում՝ Սիեթլ քաղաքից ոչ շատ հեռու տեղակայված Ռեյներ հրաբուխը բարձրանալիս: Այս մասին գրում է Ria Novosti-ն:
6 ալպինիստներից կազմված խումբը, այդ թվում՝ երկու ուղեկցորդները, սկսել են բարձրանալ լեռը երկուշաբթի օրը և պետք է վերադառնային ուրբաթ, սակայն չորեքշաբթի օրվանից նրանց հետ կապը կտրվել է: Ալպինիստներն ուրբաթ օրը հայտարարվել են անհետ կորած:
Որոնողական աշխատանքներում առայժմ հաջողության չեն հասել, և փրկարարները հայտարարում են, որ ալպինիստներն, ամենայն, հավանականությամբ, զոհվել են: Հաջողվել է պարզել խմբի գտնվելու մոտավոր վայրը: Այն գրեթե 1 կմ-ով ցածր էր այն վայրից, որտեղ նրանք եղել են վերջին անգամ: Փրկարարները ուղղաթիռից այդ վայրում նկատել են կույտեր, ամենայն հավանականությամբ՝ քարերի և ձյան: Ինչպես նկատում են փրկարարները, նրանց գործնականում անհնար է ողջ գտնել:
