Գազայի հատվածում ՀԱՄԱՍ շարժման ՆԳՆ նախարարությունը իր ծառայողներին և անվտանգության ծառայությունների ներկայացուցիչներին հանձնարարել է, Իսրայելի հետ սահմանին լարվածության սրման ֆոնին, տարհանվել գրասենյակներից և հաստատություններից:
Կոչն արվել է Գազայի հատվածից հրթիռների արձակման դեմ իսրայելական պատասխանից առաջ:
Գերատեսչության ներկայացուցչը Գազայի հատվածի բնակիչներին կոչ է արել հեռու մնալ Իսրայելի հետ սահմանից: Այս մասին հայտնում է Zman.com-ը:
ՀԱՄԱՍ-ը նաև հանձնարարել էր տարհանել սահմանից ոչ հեռու տեղակայված 5 դպրոց:
Ինչպես քիչ առաջ տեղեկացրել էինք, անցած գիշեր Գազայի հատվածում առնվազն 6 պաղեստինցի է սպանվել, ավելի քան 30-ը` վիրավորվել իսրայելցի զինվորների օդային հարվածների և հրետակոծումների հետևանքով:
Իսրայելի պաշտպանության նախարարությունը հաղորդել էր, որ հարվածները պատասխան են եղել իսրայելական բանակային մեքենայի հրթիռակոծմանը, որի հետևանքով 4 զինառայող է վիրավորվել:
Այսօր վաղ առավոտյան Գազայի հատվածից ավելի քան 30 հրթիռ է արձակվել:
