Բերմուդյան եռանկյունին վաղուց ձեռք է բերել Երկիր մոլորակի ամենախորհրդավոր, ամենաանճանաչելի և ամենավտանգավոր վայրի համբավը։ Անոմալ գոտին ուսումնասիրելու բոլոր փորձերն ավարտվել են ձախողմամբ։
Այս անգամ մասնագետները մտադիր են օգտագործել արբանյակ, չնայած արդեն ստույգ հայտնի է, որ անոմալիան բացասաբար է ազդում ոչ միայն ծովային ու օդային սարքերի, այլև տիեզերանավերի վրա։
Տիեզերագնացները, թռչելով Հարավային ատլանտյան անոմալիայի (ՀԱԱ) վրայով՝ մշտապես նկատում են, որ որոշ սարքեր կամ սխալ տվյալներ են ցույց տալիս, կամ ընդհանրապես շարքից դուրս են գալիս։ Գիտնականները ենթադրում են, որ նման ֆենոմենը կապված է անկանոն մեծ մագնիսական դաշտի հետ։
Այդ իսկ պատճառով գիտնականները որոշել են ստեղծել այնպիսի մի սարք, որը կկարողանա դիմակայել այդ անոմալիային, հաղորդում է Informing–ը։ Նախատեսվում է, որ այն կլինի հատուկ հզորագույն հեռադիտակ, որը կօգնի ուսումնասիրել անոմալ գոտու ստորին մասը։
Նշենք, որ վերջին մեկուկես դարում Բերմուդյան եռանկյան գոտում կորել է ավելի քան 70 նավ, 20 ինքնաթիռ և մոտավորապես 1000 մարդ։ Ոմանք նույնիսկ պնդում են, թե տեսել են՝ ինչպես ՀԱԱ-ի վրա ՉԹՕ-ները «առևանգում» են մարդկանց։
