Սցենարիստ Սթիվեն Նայթը, որը 2004 թվականին «Օսկարի» է առաջադրվել «Կեղտոտ հմայքներ» ֆիլմի համար, կգրի «Z աշխարհների պատերազմի» շարունակությունը: Ֆիլմի գլխավոր հերոս Խուան Անտոնիո Բայոնային նորից կմարմնավորի Բրեդ Փիթը, հայտնում է Variety պարբերականը:
Սյուժեի մասնրամասներն առայժմ հայտնի չեն, բայց սպասվում է, որ այն կշարունակի Մաքս Բրուքսի հայտնի վեպի հետապոկալիպտիկ պատմությունը:
«Z աշխարհների պատերազմի» ստեղծողները շարունակության մասին խոսել են հաջող վարձույթից հետո: Ֆիլմն աշխարհում 540 մլն դոլար է վաստակել: Այն Բրեդ Փիթի կարիերայի ամենաեկամտաբեր աշխատանքն է:
«Z աշխարհների պատերազմի» հետ միաժամանակ Սթիվեն Նայթը սցենար է գրում Երկրորդ աշխարհամարտի մասին ֆիլմի համար, որում ևս գլխավոր դերակատարը Փիթը կլինի:
