Վերահսկիչ պալատի բացահայտումների հետ կապված՝ Հովիկ Աբրահամյանը, որպես ԱԺ նախագահ, ժամանակին որոշ գործեր էր ուղարկել գլխավոր դատախազություն: Այսօր լրագրողները գլխավոր դատախազ Գևորգ Կոստանյանից փորձեցին ճշտել, թե ինչ ընթացք են ունեցել այդ գործերը:
«Բազմաթիվ քրեական գործեր ընթացքի մեջ են, հանցագործությունների վերաբերյալ հաղորդագրությունների մասով բազմաթիվ նյութեր նախապատրաստվում են, դրանց մասին, ես կարծում եմ, մենք առիթ կունենանք խոսելու, որովհետև ես հասկանում եմ, որ արդեն բավականին շատ հարցեր կուտակվել են, որ դուք կուզենայիք անել: Կա՛մ այս շաբաթվա մեջ, կա՛մ մյուս շաբաթվա մեջ ես ասուլիս կհրավիրեմ, և դուք հնարավորություն կունենաք ցանկացած հարց նորից տալ»,- ասաց Գ. Կոստանյանը:
