Իլոնա Սթալերը, ով ավելի շատ հայտնի է` որպես Չիչչոլինա, որոշել է կրկին վերադառնալ մեծ քաղաքականություն: Նախկին պոռնոաստղը առաջադրելու է իր թեկնածությունը խորհրդարանական ընտրություններում` ներկայացնելով «Democrazia, Natura, Amore» («Ժողովրդավարություն, բռնություն, սեր») կուսակցությունը:
Իր քաղաքական ծրագրերի մասին Չիչչոլինան հայտնել է մամլո ասուլիսի ժամանակ, որը կազմակերպվել էր Հռոմից ոչ հեռու բնակավայրում` Իզոլ Ֆարնեզում, որտեղ դերասանուհին ապրում է իր ընկերոջ` Լուկո Դի Կարլոյի հետ: Վերջինս սկանդալային քրոնիկոններում հայտնի փաստաբան է, ով ամեն կերպ քաջալերում է Չիչչոլինային` իր քաղաքական ձգտումներում:
Նոր կուսակցության ծրագրում երաշխիք է տրվում երիտասարդության աշխատանքի համար, բարձրաստիճան պաշտոնյաներին տրված առավելությունների վերացում, դատական իշխանությունների նորմալ աշխատանք և բոլորի համար սոցիալական պաշտպանվածություն: Թվում է սովորական ծրագիր, որը դժվար է իրականացնել:
Իլոնա Սթալերին անհանգստացնող թեմաների շարքում է միասեռ ամուսնությունների օրինականացումը:
Հիշեցնենք, որ անցյալ տարվանից, երբ նա հանգստի էր անցել, որպես խորհրդարանի նախկին պատգմավոր ստանում է ամսական 6200 եվրո թոշակ: Պատգամավորական նոր ժամկետի դեպքում այդ թիվը նկատելիորեն կավելանա: Չիչչոլինան ինքը նշում է, որ խոստովանում է, որ շատերը հավանություն չեն տալիս իր թոշակ ստանալուն:
