Հարավային Կորեայում բացվել է հյուսիսկորեական կենցաղն ուսումնասիրող ինստիտուտ` հաղորդում է The Daily NK-ն:
Ինստիտուտը ստեղծվել է Չհանվոն քաղաքում գտնվող Հյուսիսային Կորեայի համալսարանում, այն գլխավորում է պրոֆեսոր Լի Ու Յոնը (Lee Woo Young):
Ինստիտուտի հիմնական խնդիրը ԿԺԴՀ-ի հասարակ մարդկանց կյանքի, կենցաղի ու փոխհարաբերությունների ուսումնասիրությունն է, ինչպես նաև նրանց վրա տնտեսական գործոնների ազդեցությունը:
Լի Ու Յոնի խոսքով՝ Հյուսիսային Կորեայի բնակիչների կյանքը փոխվել է՝ կապված օրինական շուկաների ի հայտ գալու հետ, որոնցում ազատ առևտուր է իրականացվում:
Նման շուկաների առաջացումը հանգեցրել է նրան, որ մարդկանց միջև սկսել են ձևավորվել սոցիալական կապեր: Եթե նախկինում այդ կապերը սահմանափակվում էին ընտանիքի անդամներով կամ ընկերների ոչ մեծ շրջանակով, ապա ներկայում դրանք դարձել են ավելի ընդգրկուն: Նա ենթադրում է, որ այդպիսի կապերի առաջացումը կարող է վտանգավոր լինել ռեժիմի համար:
Պրոֆեսորի խոսքով` ԿԺԴՀ-ում 1980-ականներին մեծացել է նոր սերունդ, որը նվազ չափով է կախված պաշտոնական իշխանություններից, քան նրանց ծնողները, ինչի պատճառով էլ ավելի ազատ են մտածում:
Հյուսիսային Կորեայի համալսարանը բացվել է 1998թ.:
