Մոտ 100 հազար մարդ է այցելել աշխարհի ամենահայտնի կոմիքսների, կինոյի և տեսախաղերի MCM London Comic con ցուցահանդես, որն ավարտվել է կիրակի օրը, ITAR-TASS-ի թղթակցին հայտնել է միջոցառման մամուլի ծառայության աշխատակից Դևիդ Էքսբին:
«Մենք առայժմ չենք կարող ստույգ թվեր ներկայացնել, դրանք կլինեն միայն մի քանի օր հետո,- նշել է նա:- Ամեն դեպքում, հյուրերի մոտավոր թիվը կարելի է գնահատել 100 հազար: Սա 20%-ով շատ է, քան անցած տարի: Դժվար թե մեկ այլ միջոցառում կարող է հպարտանալ այցելությունների տեմպի այսպիսի աճով»:
Այս տարի ցուցադրությանը մասնակցել են տեսախաղերի շատ հայտնի արտադրողներ, նրանց թվում՝ Capcom-ը, Nintendo-ն և Namco Bandai-ն: Ցուցահանդեսի 3 օրերի ընթացքում տարբեր պլատֆորմների համար տասից ավել նոր խաղ է ցուցադրվել, դրանց թվում՝ Evolve, GRID Autosport, LEGO The Hobbit, Ultra Street Fighter IV:
Ցուցահանդեսի աշխատանքներին մասնակցել են Միացյալ Թագավորությունում հայտնի դերասաններ Դիլան Բրյուսը, Սեյշել Գեբրիելը, Թամարա Թեյլորը: Երկար հերթից չվախեցողները հնարավորություն են ունեցել խոսել ու լուսանկարվել հայտնի հյուրերի հետ, ինքնագրեր ստանալ:
Այցելուները նաև առաջին անգամ հատվածներ են դիտել «Ստեղծողները» փաստագրական ֆիլմից, որը պատմում է ամերիկյան հեռուստասերիալների արտադրության գործընթացի մասին:
