Մալաթիա-Սեբաստիա վարչական շրջանի ընդհանուր իրավասության դատարանում Կարեն Ֆարխոյանի նախագահությամբ սկսվում է Վալերիանո Դի Սիմոնեի գործի դատական քննությունը:
42-ամյա Վալերիանոն Իտալիայի քաղաքացի է, բնակվել է Դոմինիկյան Հանրապետությունում: Իսկ Հայաստանի Հանրապետություն փորձել է ներկրել ապօրինի թմրամիջոցով ճամպրուկը:
Ըստ մեղադրանքի՝ Վալերիանո Դի Սիմոնեն 2014 թվականի փետրվարի 22-ին Դոմինիկյան Հանրապետությունում ստացել է նախապես տեղափոխման նպատակով պատրաստած գաղտնարաններում թաքցված՝ առանձնապես խոշոր չափի՝ 2,936,93 գրամ ընդհանուր քաշով կոկաին տեսակի թմրամիջոցով ճամպրուկը:
Հաջորդ օրը՝ փետրվարի 23-ին, Վալերիանո Դի Սիմոնեն Դոմինիկա-Երևան թիվ 1860 չվերթի ինքնաթիռով ժամանել է «Զվարթնոց» օդանավակայան, մաքսային հսկողությունից թաքցնելով՝ ՀՀ է տեղափոխել վերը հիշատակված թմրամիջոցը, որի 1,941,25 գրամը հայտնաբերվել է մաքսատան աշխատակիցների կողմից՝ մաքսային հսկողության ժամանակ:
Դոմինիկյան Հանրապետությունից Հայաստան ժամանած իտալացուն մեղադրանք է առաջադրվել ՀՀ քրեական օրենսգրքի 266 հոդվածի 3-րդ մասի 2-րդ կետով և 215 հոդվածի 2-րդ մասով:
Իտալացու «անհավանական արկածը» Հայաստանում սկսվել է ապօրինի, մաքսանենգ թմրամիջոցի հայտնաբերումից ու կալանքի տակ առնվելուց:
