Լուրեր
«Ցավազրկող». Երևանյան հիվանդության առեղծվածն ու առանձնահատկությունները

«Առաջին լրատվական»«Ցավազրկող» հաղորդաշարի հերթական թողարկմանը Ձեզ ենք ներկայացնում Երևանյան հիվանդությունը, դրա առանձնահատկություններն ու բարդությունները:

Աուտոբորբոքային հիվանդությունների շարքից այս անգամ առանձնացրել ենք Երևանյան հիվանդությունը, որի հիմքում իմունային համակարգի ախտահարումն է: Այս հիվանդությունը հայտնի է նաև Միջերկրածովային տենդ կամ պարբերական հիվանդություն անվանումներով:Հայաստանում Երևանյան Հիվանդության շուրջ ուսումնասիրությունները սկսվել են դեռևս 30 տարի առաջ: Այս հիվանդությունը բնորոշ է այն ազգերին,որոնք բնակվել են Միջերկրածովային շրջանում,այդ ազգերն են՝ հայերը, հրեաները, արաբները, թուրքերը: Թե գենի ինչպիսի փոփոխությունների արդյունքում է առաջացել այս հիվանդությունը, պարզ չէ:

Պարբերական հիվանդությունը ժառանգական հիվանդություն է,որը փոխանցվում է աուտոսոմ ռեցեսիվ ճանապարհով: Յուրաքանչյուր գեն մարդու օրգանիզմում ներկայացված է 2 օրինակով որից մեկը նա ժառանգում է հորից, իսկ մյուսը` մորից։ Եթե այդ երկու օրինակներից մեկը նորմալ լինի, անձը պարբերական հիվանդություն չի ունենա։ Միայն երբ տվյալ գենի և´ հայրական, և´ մայրական օրինակները փոփոխված են` մուտացիայի ենթարկված, ապա պարբերական հիվանդություն է զարգանում։

Սա նշանակում է որ մուտացիոն գենը կարող է փոխանցվել սերնդեսերունդ սակայն միշտ հանդիպել առողջ գենի և ոչ ոք տվյալ մարդու բարեկամներից չտառապի այս հիվանդությամբ: Եթե պարբերական հիվանդություն ունեցող մարդն ամուսնանա երկու առողջ գեն ժառանգած մարդու հետ, ապա նրանց երեխաները նույնպես պարբերական հիվանդություն չեն ունենա, սակայն երեխաները կլինեն հիվանդ ծնողից ժառանգած մուտացիոն գենի կրողներ: Եթե ամուսնանան պարբերական հիվանդություն ունեցող երկու անձինք, ապա բոլոր երեխաները նույնպես կունենան պարբերական հիվանդություն:

Եվ հենց գենի այսպիսի հարաբերակցությունն է պատճառը, որ հաճախ մարդկանց մոտ առաջանում է այն հարցը, թե ինչպես երկու առողջ ծնողից կարող է ծնվել հիվանդ երեխա:

Առավել մանրամասն՝ տեսանյութում

  • Դիտումներ՝ *