ԱՄՆ-ը, Ֆրանսիան, Գերմանիան և մի շարք այլ պետություններ դատապարտել են Թաիլանդում տեղի ունեցած ռազմական հեղաշրջումը: Այս կապակցությամբ իր անհանգստությունն է հայտնել նաև ՄԱԿ-ը՝ գրում է BBC-ն:
ԱՄՆ պետքարտուղար Ջոն Քերին հայտարարել է, որ տեղի ունեցածին «չկա արդարացում»: 10 մլրդ դոլարի ամերիկյան օգնության ծրագիրը կարող է դադարեցվել:
Հիշեցնենք, որ հինգշաբթի օրը Թաիլանդի բանակի հրամանատար, գեներալ Փրայուտ Չան-Օչան հայտարարել է, որ երկրում իշխանությունն անցնում է զինծառայողների ձեռքը և դադարեցվում է Սահմանադրության գործողությունը:
Իր հեռուստաուղերձում նա խոստացել է վերականգնել երկրում կարգուկանոնը: Նրա խոսքերով՝ բանակը մտադիր է Թաիլանդում իրականացնել քաղաքական բարեփոխումներ:
