Համաշխարհային բանկի տնօրենների խորհուրդը հավանություն է տվել 1.48 մլրդ դոլար ընդհանուր արժեքով Ուկրաինայի ֆինանսական օգնության երեք նոր նախագծերի: Այս մասին հայտնում է ՈւՆԻԱՆ գործակալությունը՝ հղում անելով բանկի տարածաշրջանային ներկայացուցչության արտաքին կապերի բաժանմունքին:
Նշվում է, որ երեք նոր նախագծերի փաթեթը հանդիսանում է Ուկրաինայի օգնության ընդհանուր ծավալի մաս, որի մասին Համաշխարհային բանկի խումբը հայտարարել էր մարտին: Բանկի ղեկավարությունը սպասում է, որ 3.5 մլրդ դոլարի չափով օգնությունն Ուկրաինան կստանա մինչև տարեվերջ:
«Ուկրաինական իշխանությունները մշակել են բարեփոխումների համալիր ծրագիր, որը նրանք ծրագրում են իրականացնել Համաշխարհայն բանկի խմբի աջակցությամբ: Մենք մեծացնում ենք մեր օգնությունը, քանի որ ձգտում ենք օգնել բարելավելու մարդկանց կյանքն Ուկրաինայում և հասնելու տնտեսական առողջացման երկրի համար այս կարևոր պահին»,- հայտարարել է բանկի նախագահ Ջիմ Յոնգ Կիմը:
