Տավուշում կենդանիների շրջանում սիբիրախտի միայն մեկ դեպք է գրանցվել: Սննդամթերքի անվտանգության պետական ծառայության պետ Աբրահամ Բախչագուլյանն այսօր լրագրողների հետ հանդիպմանը նշեց, որ հիվանդությունը գլուխ է բարձրացրել չպատվաստման արդյունքում:
«Ամբողջ գլխաքանակը պետական պատվերի շրջանակներում պետք է պատվաստվի, թե ով է մեղավոր` ես չէ, որ պետք է ասեմ: Մեր ազգաբնակչությունը պետք է հասկանա, որ գործ ունենք մարդուն վնաս հասցնող հիվանդության հետ, հետևաբար չպետք է թաքցնել այդ դեպքերը»,- ասաց նա:
Հիշեցնենք, որ սիբիրախտի դեպքեր էին գրանցվել նաև Գեղարքունիքի մարզում:
