Այսօր մայիսի 19-ին իր ծննդյան 61 ամյակն է նշում խորհրդային մարզիկ, աշխարհի ստորջրյա լողի 17-ակի չեմպիոն և 11 անգամ համաշխարհային ռեկորդակիր Շավարշ Կարապետյանը, ով 37 տարի առաջ ջրի տակից փրկել է մահվան դատապարտված մարդկանց:
Այդ օրը նա եղբոր` Կամոյի հետ մարզվում էր Երևանյան ջրամբարի շրջակայքում: Նրա աչքերի առջև 15 համարի տրոլեյբուսը` կորցնելով հավասարակշռությունը, ընկել է լիճը: Շավարշը չգիտեր, թե քանի մարդ կա տրոլեյբուսում: Նրանք եղբոր հետ շտապեցին անկման վայր` ճանապարհին հագուստները հանելով: Մտածելու ժամանակ չկար` Շավարշը պետք է ջրից հաներ մարդկանց, եղբայրն` ափից վերցներ:
Ջուրը սառցակալած էր: Կարապետյանը լավ հասկանում էր, որ ինքն առավելագույնը 15 րոպե ժամանակ ունի: Նա ոտքերով կոտրել է ջրասույզ եղած տրոլեյբուսի ապակին, դուրս բերել առաջին կնոջը, ապա հանձնել եղբորը: Եվ այսպես մոտ 30 անգամ:
Որոշ ժամանակ անց, լճի ափին էին արդեն շատ մարդիկ, որոնց թվում նրա հայրը և սարքավորումները, որոնց միջոցով դուրս է բերվել տրոլեյբուսը:
Այժմ փրկվելու հերթը Շավարշինն էր: Հիվանդանոցում մնալով 45 օր, նա փրկվեց երկկողմանի թոքաբորբից և սեպսիսից:
