Կանադայում շրջանառության մեջ է դրվել պոլիմերային նյութից պատրաստված 20 դոլարանոց թղթադրամներ: Դրանք ֆիզիկոսների, քիմիկոսների, ինժեներների և դրամական նշանների պատրաստման ոլորտի մասնագետների սերտ համագործակցության արդյունք են: Այս մասին հայտնել է Կանադայի բանակի տնօրենների խորհրդի ղեկավար Մարկ Քերնին:
Կեղծարարություններից պոլիմերային թղթադրամների հուսալի պաշտպանությունը ապահովում են տպված հոլոգրաֆիկ պատկերով գծերը, թափանցիկ «պատուհանը» թխկու տերևի տեսքով, ինչպես նաև հատուկ միկրոկնիքը: Այս մասին հայտնում է ITAR-TASS-ը:
Թղթադրամի «երեսը» պատրաստված է դեղնականաչավուն երանգներով, պատկերված է Մեծ Բրիտանիայի թագուհի Եղիսաբեթ II-ը, իսկ հակառակ կողմում Առաջին համաշխարհային պատերազմի ժամանակ Եվրոպայում զոհված կանադացիների պատվին կառուցված հուշահամալիրի պատկերն է:
1935 թվականից սկսած Կանադան 6-րդ անգամ է զգալի փոփոխություն իրականացնում թղթադամների արտաքին տեսքում և պաշտպանության մեթոդներում:
Պոլիմերային թղթադրամների արտադրությունը կարժենա կրկնակի թանկ՝ թղթային տարբերակների համեմատությամբ՝ համապատասխանաբար 19 և 10 ցենտ: Սակայն դրանք կօգտագործվեն 4 անգամ ավելի երկար, ինչը թույլ կտա պոլիգրաֆիական ծախսերը կրճատել 200 մլն դոլարով:
Պոլիմերային թղթադրամները շրջանառության մեջ են Ավստրալիայում, Նոր Զելանդիայում, Ռումինիայում և Մեքսիկայում: Ինչպես նշում են փորձագետները, այդ նորույթը բերել է կեղծարարությունների թվի կրճատման:
Կանադայում 100 դոլարանոց պոլիմերային թղթադրամները շրջանառության մեջ են հայտնվել 2011-ի նոյեմբերին, 50 դոլարանոցները՝ 2012-ի մարտին: 2013-ի վերջին շրջանառության մեջ կհայտնվեն 10 և 5 դոլարանոց պլաստիկ թղթադրամները:
