Microsoft ընկերությունը կարող է Surface Pro պլանշետի նոր մոդելը ներկայացնել վաղը Նյու Յորքում կայանալիք մամլո ասուլիսի ժամանակ: Այս մասին հայտնում CNet-ը:
Պարբերականի տրամադրության տակ հայտնված փաստաթղթի համաձայն՝ նոր պլանշետը կաշխատի Windows ՕՀ-ով և կունենա Intel i7 պրոցեսոր, կախված պարամետրերից՝ կարժենա 800-1950 դոլար: Այն շուկա կմատակարարվի 4 գունային լուծումներով:
Բացի այդ, ինչպես հայտնում է Bloomberg-ը, ընկերությունը կարող է ներկայացնել մինի պլանշետների մոդելներ՝ Surface Mini և Surface MiniPro:
Հիշեցնենք, որ Surface Pro-ի վերջին մոդելը՝ Surface Pro 2-ը, շուկա էր թողարկվել 2013-ի սեպտեմբերին: Windows ՕՀ-ով պլանշետները զբաղեցնում են պլանշետային համակարգիչների շուկայի 4 %-ը: Շուկայում առաջատար են Android-ը (62.6%) և iOS-ը (32.5%):
