CNN հեռուստաալիքը հրապարակել է ԱՄՆ-ի նախագահական ընտրությունների Exit Polls-ի տվյալները:
Քվեարկած ընտրողների շրջանում անցկացրած սոցհարցումը ցույց է տվել, որ տղամարդկանց մեծամասնությունն առավելությունը տվել է Միթ Ռոմնիին (53%/45%), իսկ կանանց մեծամասնությունը քվեարկել է Օբամայի օգտին (54%/44%):
Ընդ որում՝ մինչև 45 տարեկանները նախապատվությունը տվել են Օբամային, իսկ 45-ից տարեց մարդիկ՝ Միթ Ռոմնիին:
Բացի այդ՝ սպիտակամորթները քվեարկել են Ռոմնիի օգտին (59%/39%), իսկ այլ էթնիկ խմբերը՝ Օբամայի:
86% լիբերալները աջակցել են Օբամային, իսկ 82% պահպանողականները՝ Ռոմնիի: Քաղաքական նախապատվությունը կրթության մակարդակից կախված չի եղել:
57% բողոքականները քվեարկել են Ռոմնիի օգտին, կաթոլիկները հավասարապես աջակցել են երկու թեկնածուներին, իսկ այլ կրոնական համայնքների ներկայացուցիչները քվեարկել են Օբամայի օգտին:
