ԱԺ ԲՀԿ խմբակցության պատգամավոր Տիգրան Ուրիխանյանը մայիսի 19-ին ԱԺ-ում ԿԲ նախագահի թեկնածու Արթուր Ջավադյանին հարց ուղղելուց առաջ դիմեց ԱԺ նախագահությանը, նշեց, որ հերթական անգամ խաթարվել է օնլայն հեռարձակումը, և հանրությունը հնարավորություն չունի հետևելու նիստին: «Ի դեպ, նախորդները չեն վերականգնվում»,- ասաց նա՝ հիշեցնելով, որ նման խնդիր էլի է եղել:
ԱԺ փոխնախագահ Էդուարդ Շարմազանովը, արձագանքելով Ուրիխանյանի խոսքին, նշեց, որ իրեն քիչ առաջ զեկուցեցին, որ տեխնիկական պատճառով ուղիղ հեռարձակումն ընդհատվել է: «Աշխատանքները ընթանում են, կվերականգնեն»,- ասաց նա: Րոպեներ անց Շարմազանովը տեղեկացրեց, որ օնլայն հեռարձակումը վերականգնված է:
Ի դեպ, ԱԺ փոխնախագահը նաև հայտնեց, որ խորհրդարանում Կառավարության ծրագրի քննարկումը տեղի կունենա վաղը՝ մայիսի 20-ին:
Լուսանկարը` PanARMENIAN Photo-ի
