Ազգային ժողովն այսօր ձայների 88 կողմ, 32 դեմ և 1 ձեռնպահ հարաբերակցությամբ երրորդ ընթերցմամբ և ամբողջությամբ ընդունեց ՀՀ քննչական կոմիտեի մասին օրենսդրական փաթեթը, որ ենթադրում է փոփոխություններն ու լրացումներ մի շարք օրենքներում:
Հատկանշական է, որ օրենսդրական փաթեթի քվեարկության ժամանակ ևս «Բարգավաճ Հայաստան» խմբակցության անդամները հիմնականում դեմ քվեարկեցին, թեպետ ոչ իշխանականները կողմ էին քվեարկում:
ԱԺ-ն այժմ քննարկում էԿենտրոնական բանկի նախագահի ընտրության հարցը: Այդ պաշտոնին ՀՀ նախագահ Սերժ Սարգսյանը, համաձայն Սահմանադրության, թեկնածու է ներկայացրել: ԿԲ նախագահի պաշտոնին ներկայացվել է գործող նախագահ Արթուր Ջավադյանը:
Կենտրոնական բանկի նախագահը նշանակվում է Հանրապետության Նախագահի առաջարկությամբ՝ Ազգային ժողովի կողմից` վեց տարի ժամկետով։ Նույն անձը չի կարող ավելի քան երկու անգամ անընդմեջ նշանակվել կենտրոնական բանկի նախագահ:
Լուսանկարը` PAN Photo-ի
