ԱԺ ԲՀԿ խմբակցության քարտուղար Նաիրա Զոհրաբյանն այսօր հայտարարություն էր տարածել՝ քաղաքական խորհրդակցության կոչ անելով կառավարման խորհրդարանական համակարգի և 100 տոկոսանոց համամասնական ընտրակարգի անցելու թեմաների շուրջ:
«Կենտրոն» հեռուստաընկերության «Ուրվագիծ» հաղորդման եթերում, անդրադառնալով այս թեմային, Նաիրա Զոհրաբյանն այն համարել է առաջարկ քաղաքական կուսակցությունններին՝ փորձել կոնսոլիդացնել այն քաղաքական ուժերին, որոնք փորձում են համակարգային փոփոխոթյուն տեսնել. «Սա ընդհանուր օրակարգ ձևավորելու հարց է: Սա դոգմատիկ չէ, կարող է ցանկացած ուժ ներկայացնել համակարգային փոփոխությունների իր տեսլականը, կարող ենք քննարկել: Մենք չենք դնում անձերի խդիր, այլ համակարգային փոփոխությունների խնդիր, և պատրաստ ենք քննարկել: Սա քաղաքական առողջ ուժերին կոնսոլիդացնելու, առավել մեծ համախմբման փորձ է»: Այն, ըստ Նաիրա Զոհրաբյանի, ուղղված է բոլոր ուժերին, այդ թվում՝ ՀՀԿ-ին, եթե ընդունում է հիշյալ երկու պահանջները: Նաիրա Զոհրաբյանը համարում է, որ կառավարման մեր հմակարգը բերում է քաղաքական համակարգի մենաշնորհի:
Իրենց առաջարկները ԲՀԿ խմբակցության քարտուղարը համարել է պաշտոնական հրավեր բոլոր քաղաքական ուժերին:
Պատասխանելով այն հարցին, թե ինչու ԲՀԿ-ն չմասնակցեց կոռուպցիայի դեմ պայքարի վերաբերյալ՝ նոյեմբերի 3-ին հրավիրված քննարկմանը, Նաիրա Զոհրաբյանն ասել է. «Մենք չենք պատրաստվում մեր ներկայությամբ լեգիտիմացնել մի պրոցես, որի հեռանկարը չի երևում: Եթե նախագահը մատը չդներ խնդիրների վրա, չհանձնարարեր, վարչապետն իր աշխատանքը չպետք է կատարե՞ր»:
