Արգենտինայի Չուբուտ գավառում հայտնաբերվել են դինոզավրերի ընտանիքների քարացած մնացորդներ: Այս մասին գրում է Ria Novosti-ն:
«Ներկայումս սա հսկայական դինոզավրերի ամենալիարժեք գտածոն է. գիտութան մեջ սա կարևորագույն իրադարձություն է»,- հայտարարել է մարդաբան Լուիս Կարբալիդոն:
Հայտնաբերվել են ավելի քան 200 քարացած ոսկորներ, որոնք պատկանել են առնվազն 7 դինոզավրերի: Դրանք գտել են ֆերմայում: Գիտնականների տվյալներով՝ միլիոնավոր տարիներ առաջ այդ ամբողջ շրջանը ծածկված է եղել 15 մետր բարձրությամբ ծառերով, որոնցով սնվել են դինոզավրերը:
Տեղի ԶԼՄ-ներում այն արդեն անվանում են «դինոզավրերի գերեզմանոց»: Նույնիսկ վարկած կա, որ կենդանիները ինչ-ինչ պատճառներով գալիս էին այդտեղ՝ մեռնելու:
