Ֆրանսիական «Ազգային ճակատ» ծայրահեղ աջ կուսակցության առաջնորդ Մարին Լե Պենը հայտարարել է, որ «միասնական արժեքներ» է կիսում Ռուսաստանի նախագահ Վլադիմիր Պուտինի հետ։
Ինչպես նշում է Agence France-Press գործակալությունը, Լե Պենի կարծիքով՝ այդ արժեքներից մեկը եվրոպական քաղաքակրթության քրիստոնեական ժառանգության պաշտպանությունն է։
«Պարոն Պուտինը հայրենասեր է,- ասվում է հարցազրույցում։- Նա պաշտպանում է իր ժողովրդի ինքնիշխանությունը։ Նա հասկանում է, որ մենք պաշտպանում ենք միասնական արժեքներ։ Եվ նա, թերևս, նման համարձակություն, բացություն և հարգանք չի գտնում ազգային ու քաղաքակրթական նույնականության հանդեպ ֆրանսիական մյուս քաղաքական հոսանքներում»։
Մարին Լե Պենը նաև համարում է, որ լավ հարաբերությունները Ռուսաստանի հետ անհրաժեշտ նվազագույնն է Եվրոպայում խաղաղության համար։ Նրա կարծիքով՝ ԵՄ-ի գործողությունները Ռուսաստանի դեմ հակասում են եվրոպացիների շահերին։
