«Առաջին լրատվական»-ի«Ցավազրկող» հաղորդաշարի հերթական թողարկմանը «Քանկոր» սիրտ-անոթային բժշկական կենտրոնի տնօրեն Շահեն Նորայրի Խաչատրյանը ներկայացնում է սրտանոթային տարածված հիվանդություններն ու բուժման ձևերը:
21-րդ դարի մեծ չարիք համարվող սիրտ-անոթային համակարգի հիվանդությունները մահացության պատճառների առաջատարների թվին են պատկանում:Պարզվում է,որ այն սիրտը,որը հաճախ իր վրա է կրում մարդու էմոցիոնալ-զգացմունքային ֆոնը,ունի նաև մի շարք այլ գործառույթներ,որոնց չիրականացման դեպքում զրոյական է դառնում մարդու գոյության հավանականությունը:
Սիրտն այն պոմպն է,որն արյուն է մատակարարում բոլոր հյուսվածքներին ու զարկերակներին:Արյան հոսքին ու ճիշտ շրջանառությանը նպաստում է սրտի ռիթմիկ կծկումը:Իսկ այդ կծկումների խաթարման դեպքում առաջանում են սրտանոթային մի շարք հիվանդություններ:Այդ հիվանդություններից յուրաքանչյուրը կարող է դառնալ նոր հիվանդության պատճառ:Ժամանակ առ ժամանակ ձեր ուշադրությանը կներկայացնենք սրտանոթային հիվանդություններից մի քանիսն ու դրանց բուժման մեթոդները:
Շատ տարածված հիպերտոնիա հիվանդության մասին խոսելիս պետք է նախ հասկանալ,թե ինչ է զարկերակային ճնշումը:Սա արյան ճնշումն է անոթներում.այն ներկայացվում է երկու թվով սիստոլիկ և դիաստոլիկ կամ ինչպես տարածված է ասել չափման վերևի և ներքևի թիվ:Սրտի կծկումների ժամանակ արյան որոշակի քանակ է մղվում աորտա՝ամենամեծ անոթ,ապա բաշխվում մյուս մանր ու խոշոր զարկերակների.այս ընթացքում էլ որոշակի ճնշման մակարդակ է առաջանում:Իսկ հիպերտոնիան այդ ընդունված ճնշման մակարդակից բարձր գրանցված ճնշումն է:Շարունակությունը՝ տեսանյութում
