Ամերիկացիներից ու կորեացիներից կազմված ինժեներների խումբը ստեղծել է միկրոսկոպիկ լազերներ, որոնց չափերը չեն գերազանցում վիրուսային մասնիկի չափերը:
Գիտնականների հոդվածը հրապարակվոած է Nano Letters ամսագրում:
Միկրոսկոպիկ սարքերը հավաքված են պոլիուրեթանային տակդիրում, որի կազմում առկա է օրգանական ներկանյութ: Հենց դա էլ լազերի աշխատանքային մարմինն է, այն նյութը, որը նախ փոխադրվում է բարձրէներգետիկ վիճակի, ապա արտազատում կոգերենտային ֆոտոն:
Տակդիրում ճիշտ հերթականությամբ դասավորված են ոսկե ռեզոնատորները, որոնք ունեն «3D թիթեռի» տեսք: Հենց դրանք են արձակում կոգերենտային ֆոտոններ: Անհատական ռեզոնատորների չափը չի գերազանցում 250 նանոմետրը, ինչը զգալի փոքր է, քան լուսարձակվող լույսի ալիքի երկարությունը (800 նանոմետր):
Ֆիզիկոսների խոսքով՝ դրան հաջողվել է հասնել շնորհիվ դաշտի չափազանց խտացման:
Նման փոքրիկ սարքերը հետաքրքրություն են ներկայացնում նախ և առաջ որպես լույսի աղբյուր` օպտիկական համակարգիչների համար:
