Այսօր Թուրքիայի պաշտպանության նախարար Վեջդի Գյոնյուլը ժամանել է Ադրբեջան։ Բաքվի օդանավակայանում նրան դիմավորել է Ադրբեջանի պաշտպանության նախարար Սաֆար Աբիեւը։ Ադրբեջանական 1news.az գործակալությունը հաղորդում է, որ երեկոյան նախատեսված է Գյոնյուլի հանդիպումը Ադրբեջանի նախագահ Իլհամ Ալիեւի հետ։ Վաղը Թուրքիայի պաշտպանության նախարարը հանդիպումներ է ունենալու Ադրբեջանի վարչապետի, ռազմարդյունաբերության նախարարի հետ, ինչպես նաեւ այցելելու է ռազմական արդյունաբերության մի շարք գործարաններ։