Ռուսաստանն ուժեղ է՝ շնորհիվ Արևմուտքի թուլության. եվրոպացիները տարանջատված են, իսկ ԱՄՆ-ը, չունենալով ուժեղ դաշնակիցներ, չի ցանկանում Ռուսաստանի հետ հակամարտության մեջ ներքաշվել: Եվ վերջապես՝ ոչ ոք մտադիր չէ «մեռնել հանուն Ուկրաինայի»: Նրանք պետք է համակարգային միություն ստեղծեն այնպիսի երկրների հետ, ինչպիսին է Լեհաստանը: Այդպես է տեսնում ուժերի բաշխումն ու միջազգային ասպարեզում հիմնական խաղացողների հնարավորությունները ամերիկացի քաղաքագետ, հետախուզա-վերլուծական Stratfor ընկերության հիմնադիր և ղեկավար Ջորջ Ֆրիդմանը՝ փոխանցում է Censor.net-ը:
Ֆրիդմանը կարծում է, որ առաջին խնդիրը կայուն կառավարության ձևավորումն է: Այդ ճգնաժամն Ուկրաինայում սկսվել է որպես քաղաքական ճգնաժամ՝ ասում է նա: Նրա կարծիքով՝ երկրի ներսում կան զգալի տարաձայնություններ, դրանք գոյություն են ունեցել տարիներ շարունակ: Առաջինը, որն Ուկրաինան պետք է կատարի ստեղծված իրավիճակում գոյատևելու համար, քաղաքական համակարգի ստեղծումն է, որը կլինի միաժամանակ ժողովրդավար և կայուն:
Նրա խոսքով՝ Ռուսաստանի հանդեպ ուկրաինական դիմակայության գլխավոր տարրը պետք է լինի կայուն կառավարությունը:
