Ֆրանսիայի նախագահ Ֆրանսուա Օլանդի՝ տարածաշրջան կատարած այցը ֆրանսիական մամուլն այնքան էլ մեծ ինտենսիվությամբ չի լուսաբանել: Այս մասին «Առաջին լրատվական»-ի հետ զրույցում ասաց Ֆրանսիայի Ռազմավարական հետազոտությունների հիմնադրամի փորձագետ, քաղաքագետ Կայծ Մինասյանը:
«Կան հրապարակումներ Հարավային Կովկասում Ուկրաինայի ճգնաժամի վերաբեյալ արձագանքների հետ կապված, բայց կոնկրետ թե որ երկրում ինչ հայտարարություններ է արել Օլանդը՝ այդպես մանրակրկիտ այստեղ ոչինչ մինչ այս պահը չի լուսաբանվել»,- ասաց նա:
Մենք հետաքրքրվեցինք նաև, թե ի՞նչ կերպ է լուսաբանվել Ֆրանսուա Օլանդի այն հայտարարությունը, որ Հայաստանի համար նոր Ասոցացման համաձայնագրի ձևաչափի մասին պետք է մտածել, այնպիսին, որը չի խանգարի Հայաստանի անդամակցությանը Մաքսային միությանը: «Մինչ այսօր այդ մասին ոչ մի բան չեմ կարդացել: Բացի Ուկրաինայի ճգնաժամից՝ օրակարգի մեջ կարևոր բան չկար, նույնիսկ չի էլ համեմատվել, թե որ երկրում ինչ տեսակ հայտարարություն է արել, ինչով էին այդ հայտարարություններն իրարից տարբերվում:
Ուղղակի Ադրբեջանի, Հայաստանի և Վրաստանի վրա շեշտադրում չի եղել»,- ընդգծեց նա:
Միևնույն ժամանակ Մինասյանն ասաց, որ «Lomond» օրաթերթում հրապարակվել է Օլանդի այն հայտարարությունը, որ նա դատապարտում է մարդու իրավունքների ոտնահարումը Ադրբեջանում՝ կապված Յունուս ամուսինների ձերբակալության հետ:
«Գրվում է ընդհանուր, որ Ֆրանսուա Օլանդն այցելում է Հարավային Կովկաս, երբ Ուկրաինան ու Ռուսաստանը վատ հարաբերություններ ունեն, բայց հավելյալ ոչինչ չկա»:
