Եվրոպական հանձնաժողովի ղեկավար Ժոզե Մանուել Բարոզուն նախազգուշացրել է Ռուսաստանին Արևելյան գործընկերության երկրների վրա ճնշման անթույլատրելիության մասին, այդ թվում՝ գազի գնի չարաշահման և արհեստական առևտրային արգելքների օգնությամբ, գրում է rosbalt.ru-ն։ Այդ մասին նա հինգշաբթի հայտարարել է Մոլդովայի վարչապետ Յուրի Լյանկեի հետ հանդիպումից հետո։
«Ռուսաստանի ճնշումը Արևելյան գործընկերության երկրների վրա անընդունելի է»,- նշել է ԵՀ նախագահը՝ հավելելով, որ նույնիսկ սառը պատերազմի ժամանակ գործում էին մի երկրի՝ մյուս երկրի հետ բանակցությունների մեջ մտնելու իրավունքի սկզբունքները։ «Մենք ակնկալում ենք, որ Ռուսաստանը այն կհարգի, որովհետև եթե ոչ, ապա դա կլինի նաև Ռուսաստանի կողմից ընդունված միջազգային պարտավորությունների հստակ խախտում»։
