«Առաջին լրատվական»-ի RealPolitik հաղորդաշարի հյուրն է Հայաստանի Ազգային ժողովի պետաիրավական հարցերի մշտական հանձնաժողովի անդամ, հանրապետական պատգամավոր Հովիկ Սահակյանը:
Պարո´ն Սահակյան, ըստ էության, կառավարության փոփոխությունից հետո բոլորովին նոր իրավիճակ է ստեղծվել. քաղաքական մեծամասնությունը քաղաքական մենակության մեջ ինչպե՞ս էդիմակայում: Ըստ էության, «Օրինաց Երկիր» կուսակցությունը՝ այդ քաղաքական ուժը, նույնիսկ չուզեց ձեզ հետ քաղաքական պատասխանատվություն կրել առաջիկա ժամանակահատվածի համար, և այսօր դուք լրջագույն դժվարությունների մեջ եք: Այդ դժվարությունները շատ հեշտ նշմարելի են: Այնքան, որ նույնիսկ Ազգային ժողովում քվորում ապահովելու խնդիրներ կան: Այ, ինչպե՞ս եք պատրաստվում այս կերպ շարունակել: Կարո՞ղ է՝ նոր իրավիճակ կարողանաք առաջացնել, և այնուամենայնիվ, զիջումների գնալու գնով Հովիկ Աբրահամյանին հաջողվի կոալիցիա ձևավորել. ու այս դժվարությունները արագ հնարավոր լինի հաղթահարել:
-Շնորհակալություն հարցադրման համար: Պետք է մի փոքր շտկում կամ դիտարկում: Մենակության մեջ չենք, գուցե մենակ ենք իշխանությունը վերցրել և ստանձնել իշխանության կառավարումը, բայց չեմ կարծում, որ մենք մենակ ենք: Մենք ընտրությունների արդյունքում ստացել ենք մեր ժողովրդի վստահության քվեն և պատվով ու բարձր պատասխանատվությամբ վերցնում ենք այդ վստահությունը: Նաև իշխանությունը վերցնելով`ձևավորել ենք կառավարություն ու փորձում ենք առկա խնդիրներին ավելի ադեկվատ և արագ լուծում տալ:
Իսկապես, նոր իրավիճակ է ստեղծվել Հայաստանի Հանրապետությունում: Ձևավորվել է նոր կառավարություն: Առաջիկա օրերին, ամենայն հավանականությամբ, կառավարությունը կներկայացնի կառավարության ծրագիրը, որտեղ ավելի մանրամասն պարզ կդառնա այն տեսլականը, որի հետևից մենք գնում ենք կամ ուր մենք գնալու ենք: Սա շատ կարևոր է:
-Այսինքն, Դուք կարծում եք, որ էական փոփոխություններ կլինեն կառավարության ծրագրում:
-Ես կարծում եմ և նաև հիմնվում եմ վարչապետ Հովիկ Աբրահամյանի խոսքի վրա, որ այս ծրագիրը պետք է լինի իրատեսական:
-Ցանկացած կառավարություն ձեր իշխանության օրոք հենց այդպիսի խոստումներ է տվել, և Սերժ Սարգսյանը, համենայն դեպս, Հովիկ Աբրահամյանի թեկնածությունը առաջարկելուց և նրան վարչապետի պաշտոնում հաստատելուց կարևոր դիտարկումներ արեց, որ Տիգրան Սարգսյանի կառավարության հիմնական ուղղությունները պետք է պահպանվեն: Թերևս, փաթեթավորումը փոխվի, Հովիկ Աբրահամյանը այլ…
– Թերևս, այդ ծրագրից կախված է բավական մեծ բան: Ինչի՞ համար: Որովհետև այն ծրագիրը, որը ներկայացվել է Ազգային ժողով, վստահ եմ, ուշի ուշով, մանրակրկիտ քննարկվելու է, նայվելու է, ուսումնասիրվելու է բոլոր խմբակցությունների, խմբերի, պատգամավորների կողմից: Իհարկե, գլոբալ առումով, մի քանի ուղղություններիառումով, և´ Տիգրան Սարգսյանի կառավարության ծրագիրը, և´ Հովիկ Աբրահամյանի կառավարության ծրագիրը հիմնված են երկրի նախագահ Սերժ Սարգսյանի նախընտրական ծրագրի դրույթների վրա:
Հարցազրույցն ամբողջությամբ՝ տեսանյութում:
