Թուրքական Doğan լրատվական գործակալության փոխանցմամբ՝ Թուրքիայում ապաստանած սիրիացի կին փախստական 28-ամյա Մարիամ Դիյափը եռյակ է ունեցել և նորածիններին անվանել է Ռեջեփ, Թայիփ և Էրդողան՝ ի պատիվ Թուրքիայի վարչապետի:
Նրա երկունքի ցավերը սկսվել են իր ամուսնու հետ թուրք-սիրիական սահմանը հատելու ժամանակ, ինչից հետո նրան տեղափոխել են մոտակա հիվանդանոց, որտեղ և նա լույս աշխարհ է բերել երեք նորածիններին: Ծննդաբերությունից հետո երջանիկ մորը տեղավորել են Հաթայ նահանգի Ռեյհանլը շրջանում սիրիացի փախստականների համար կառուցված ճամբարում: Մինչ այդ նրանք բնակվել են Սիրիայի Իդլիբ քաղաքում:
