ԵՄ խոշորագույն բանկը`բրիտանական HSBC-ն, ստիպված կլինի, որպես տուգանք, ԱՄՆ-ին վճարել 1.5 միլիարդ դոլար իր հաճախորդների նկատմամբ ոչ բավարար վերահսկողության և փողերի լվացման համար: Այդ կերպ գումարը, որը ֆինանսական ինստիտուտը պատրաստ էր նվիրաբերել այն բանի համար, որպեսզի խուսափեր հետաքննությունից, մեծացել էր ավելի քան 2 անգամ: Այս մասին սեփական աղբյուրին հղում անելով՝ հայտնել է Sky News հեռուստաալիքը:
Ավելի վաղ այս հարցը կարգավորելու համար HSBC-ն 700 միլիոն դոլար ռեզերվ էր արել:
Հուլիսին ԱՄՆ Կոնգրեսի Սենատը HSBC-ին մեղադրել էր իր հաճախորդների նկատմամբ ոչ բավարար վերահսկողության մեջ, ինչը հանգեցրել էր ԱՄՆ-ի ֆինանսական համակարգ մեծաքանակ գումար մտնելուն` բազմաթիվ հանցավոր խմբավորումների ապօրինի գործողությունների արդյունքում: Փաստաթուղթը կազմվել էր բանկի 1.4 միլիոն ներքին փաստաթղթերի ուսումնասիրման և 75 աշխատակիցների հարցաքննելու հիման վրա:
« HSBC-ի ոչ արդյունավետ մշտադիտարկման համակարգը հանգեցրեց նրան, որ առաջատար եվրոպական բանկը յոթ տարիների ընթացքում փողերի լվացման ճանապարհ է հանդիսացել»,- Sky News-ը մեջբերել է սենատորների հայտարարությունը:
