Հունաստանի իշխանությունները մտադրված են երկրում արտակարգ իրավիճակ մտցնել, քանի որ երկրում հավատարմագրված մի քանի դեսպանատներ ենթարկվել են հարձակման:
Ռուսաստանի դեսպանատան մոտ այսօր պայթյուն է որոտացել: Միջադեպի հետեւանքով ոչ ոք չի տուժել: Այսօր Աթենքում տեղի են ունեցել նմանատիպ մի քանի պայթյուններ: Շվեյցարիայի դեսպանատան մոտ պայթյունը կրկին առանց զոհերի է եղել:
Ավելի վաղ իրավապահներին հաջողվել է վնասազերծել մեկ պայթուցիկ սարք Բուլղարիայի դեսպանատան մոտ: Եվս մեկը նախատեսված է եղել Չիլիի դեսպանատան համար, սակայն վնասազերծվել է:
Այս ամենը տեղի է ունեցել այն բանից հետո, երբ նախորդ օրը նմանատիպ փաթեթներ են հայտնաբերվել Մեքսիկայի, Հոլանդիայի, Բելգիայի, ինչպես նաեւ անձամբ Ֆրանսիայի նախագահ Նիկոլա Սարկոզիի համար:
