Լատվիայի արդարադատության նախարար Յանիս Բորդանսը կողմ է ԽՍՀՄ-ի կազմում երկրի գտնվելու ժամանակ Լատվիայի վնասների հաշվման հանձնաժողովի աշխատանքների վերսկսմանը:
«Ես, որպես կառավարության ներկայացուցիչ, չեմ ակնկալում, որ իմ գրպանները կլցվեն ռուսական միլիարդներից, որոնք մեզ հասնում են, և որոնք Գերմանիան, օրինակ, վճարում է շատ ուրիշներին»,- ասել է նախարարը:
Ինչպես փոխանցում է Интерфакс-Украина-ն, նախարարն ասել է, որ Ռուսաստանը նույնիսկ նորմալ ներողություն չի խնդրել օկուպացիայի համար:
«Երբ մենք զգացմունքային ենք խոսում, ինչը ես հիմա անում եմ, մի բան է, բայց երբ կոնկրետ թվեր հաշվվեն, թե ինչ տնտեսական վնաս է հասցվել Լատվիայի տարածքին, պետությանն ու ժողովրդին, խոսակցությունը կարող է բոլորովին այլ լինել: Ես հավատում եմ, որ այդպիսի խոսակցություն կլինի»,- ասել է նա:
2005 թ. Լատվիայի կառավարության ստեղծած հանձնաժողովը սկզբում ակտիվորեն աշխատում էր, սակայն վերջերս միջոցների սակավության պատճառով դրա աշխատանքը դադարեցվել էր:
Հիշեցնենք` 2012-ի հուլիսի վերջին Ռուսաստանի ԱԳՆ-ը մերժեց «սովետական օկուպացիայի» վնասների փոխհատուցման՝ Լիտվայի պահանջը:
