Iran News-ի փոխանցմամբ՝ Իրանի էներգետիկայի փոխնախարար Մոհամեդ Բեհզադը Թեհրանում հայտարարել է, որ Իրանը կարող է տարեկան արտահանել մինչև 10,000 մեգավատտ էլեկտրաէներգիա: Բեհզադի խոսքերով՝ Իրանի հարևան երկրների մեծ մասն ունի իրանական էլեկտրաէներգիայի կարիքը:
Բեհզադն ընդգծելէ, որ Իրանը ներկայումս արտահանում է 2000 մեգավատտ էլեկտրաէներգիա, և այդ ցուցանիշին կարող է տարեկան ավելացվել ևս 8000 մեգավատ. «Նախորդ տարի Իրանի էլեկտրաէներգիայի արտահանման ծավալը կազմում է 8.7 միլիարդ կվտ/ժամ: Ենթադրվում է, որ այս տարի այդ ցուցանիշը կգերազանցի 10 միլիարդ կվտ/ժամը։
Ներկայումս Իրանն էեկտրաէներգիա է ներկրում Թուրքմենստանից, էլեկտրաէներգիա է փոխանակում Հայաստանի հետ և էլեկտրաէներգիա է արտահանում դեպի Իրաք, Թուրքիա, Աֆղանստան ու Պակիստան: Իրանի հետ էլեկտրաէներգիայի փոխանակման պատրաստակամություն են հայտնել Պարսից ծոցի երկրները, և այդ նպատակով դիտարկվում է անհրաժեշտ ենթակառույցների ստեղծման հարցը:
Իրանը պատրաստվում է էլեկտրաէներգիա մատակարարել Հնդկաստանին ու Պակիստանին: Էլեկտրաէներգիայի արտադրման ցուցանիշով Իրանը զբաղեցնում է 15-րդ տեղն աշխարհում և 1-ին տեղը՝ տարածաշրջանում»: