Թուրքական TRT Haber հեռուստաալիքին տված հարցազրույցի ժամանակ Թուրքիայի էներգետիկայի նախարար Թաներ Յըլդըզն անդրադարձել է Մեծամորի ատոմակայանի խնդրին.
«Թուրքիան պահանջում է Մեծամորի ատոմակայանի անհապաղ փակում: Հայաստանում գտնվող այդ ատոմակայանի գործունեությունն ամեն օր վտանգ է ներկայացնում ողջ տարածաշրջանի համար: Հայկական ատոմակայանը աշխարհի ամենահնացած ատոմակայանն է, և շատ կազմակերպություններ, այդ թվում՝ նաև ԱԷՄԳ-ը, վաղուց պահանջում են դրա փակում, քանի որ հնացած ատոմակայանը լուրջ վտանգ է ներկայացնում Թուրքիայի համար: Հայկական ատոմակայանը գործում է ավելի քան 40 տարի, իսկ հին ատոմակայանները մեծ սպառնալիք են ներկայացնում»:
Ավելի վաղ թուրքական թերթերը հայտնել են, որ Հայաստանը որոշել է Մեծամորի ատոմակայանի գործունեությունը երկարաձգել մինչև 2023 թվականը:
