Ադրբեջանական Trend լրատվական գործակալության փոխանցմամբ՝ պաշտոնական այցով Վրաստան է այցելել Նորվեգիայի պետնախարար Էրիկ Օուր Տորշագան: Նրա գլխավորած պատվիրակությունն այցելել Վրաստանի պաշտպանության նախարարություն, ուր հանդիպում է ունեցել պաշտպանության նախարար Իրակլի Ալասանիայի և այլ բարձրաստիճան չինովնիկների հետ:
Հանդիպման ավարտին կողմերը ստորագրել են 2013 թվականին ռազմական ոլորտում երկկողմանի համագործակցության պլանը: Կողմերը քննարկել են նաև Կովկասյան տարածաշրջանում անվտանգության հարցը, ՆԱՏՕ-ին Վրաստանի ինտեգրումը և Վրաստանի պաշտպանական ոլորտում ընթացիկ բարեփոխումների հարցը:
Իրակլի Ալասանիան հայտարարել է, որ վրացական բանակը լինելու է ավելի ուժեղ և մոբիլ կառույց, որը կկարողանա հեշտությամբ հետ մղել թշնամուն, զսպել նրան և պատճառել զգալի վնաս: Ալասանիան հավելել է, որ բարձրացվելու է երկրի պաշտպանունակությունը:
Նշվում է, որ Վրաստանն ու Նորվեգիան ռազմական ոլորտում համագործակցում են 2010 թվականից:
