Անգլիայի լիգայի Գավաթի խաղարկության 4-րդ ռաունդի շրջանակներում «Սթեմֆորդ Բրիջ»-ում կկայանա «Չելսի»-«Մանչեսթեր Յունայթեդ» հանդիպումը:
Լոնդոնի «Չելսի»-ի երկրպագուները ցանկանում են վախեցնել «կարմիր սատանաներ»-ի ֆուտբոլիստներին: Նրանք յուրահատուկ զգեստներ կհագնեն, որոնք ընդունված է կրել Հելոուինի ժամանակ:
«Չորեքշաբթի գիշերը հիանալի հանդիպում կկայանա, սակայն այն նաև Հելոուին կլինի` տարվա ամենաչարաբաստիկ գիշերը:
Ցանկանում ենք, որ տոմս գնած յուրաքանչյուր երկրպագու ավանդական զգեստով ներկայանա մարզադաշտ: Հարկավոր է վախեցնել «Յունայթեդ»-ի ֆուտբոլիստներին և օգնել «կապտագույններ»-ին առավելության հասնել: Կարևոր չէ, դուք դև կլինեք, թե կախարդ: Կարևոր է միայն, որ զգեստները հնարավորինս շատ լինեն»,- նշվում է լոնդոնյան ակումբի երկրպագուների պաշտոնական կայքի ադմինիստրացիայի հայտարարությունում:
