ԵՄ-ի և ԱՄՆ-ի պատժամիջոցները, որոնք սահմանվել են Ռուսաստանի դեմ Ուկրաինայի դրության պատճառով, չեն կարող ազդել եվրասիական ինտեգրման վրա: Այս մասին գրում է Ria Novosti-ն` վկայակոչելով ՌԴ նախագահ Վլադիմիր Պուտինին:
«Այսօր մենք զգալի քայլ կատարեցինք առաջ: Փորձագիտական մակարդակով միշտ չէ, որ հնարավոր է լինում պայմանավորվել կոնկրետ նրբությունների վերաբերյալ: Այսօր մենք զգալիորեն առաջ շարժվեցինք, և հիմքեր կան կարծելու, որ մենք պայմանագիրը կստորագրենք նշված ժամկետներում: Անելու բան էլի կա, սակայն, սկզբունքորեն, գործնականում ամեն ինչ համաձայնեցված է»,- ասել է ՌԴ նախագահը:
