Տրոպիկական «Սենդի» փոթորիկը, որը նախօրեին հասել է ԱՄՆ ափերին, խլել է 13 մարդու կյանք: Փոթորիկը դարձել է 12 մարդու մահվան պատճառ Նյու Յորք, Նյու Ջերսի, Փենսիլվանիա, Հյուսիսային Կարոլինա ու Արևմտյան Վիրջինիա նահանգներում, ևս 1 մարդ զոհվել է Կանադայի Տորոնտո քաղաքում:
Մինչ այդ, Բրոդվեյի 40 թատրոն այսօր հետաձգել է բոլոր ներկայացումները: Այս մասին հաղորդում է Associated Press-ը:
Բրոդվեյի լիգան չեղյալ է հայտարարել շոուն՝ դա պայմանավորելով անվտանգության պահպանմամբ և հասարակական տրանսպորտի աշխատանքի դադարեցմամբ:
Հանդիսատեսը, որն արդեն ձեռք էր բերել տոմսերը, կարող է վերադարձնել դրանք: Նշենք, որ ցիկլոնը թատրոններին զգալի վնաս է հասցրել:
Իրենց աշխատանքներն են դադարեցրել նաև տեղի բորսաները, մասնավորապես` NYSE-ն ու NASDAQ-ը:
