Հոկտեմբերի սկզբին Պերուի ազատազրկված նախկին նախագահ Ալբերտո Ֆուխիմորիի ընտանիքը համաներման հայց է ներկայացրել` խնդրելով հաշվի առնել նրա առողջական վիճակի վատթարացումը:
«Հանրապետություն» թերթի պատվերով իրականացված հարցումը ցույց է տվել, որ լատինաամերիկյան երկրի բնակիչների ուղիղ կեսը «ամբողջությամբ աջակցում է» երկրի նախկին ղեկավարի համաներմանը. դեմ է եղել միայն հարցվածների 36 տոկոսը:
Պերուն 1990-2000թթ. նախագահած
Ալբերտո Ֆուխիմորիի 4 երեխաները ներկայացրել են համաներման դիմում:
Երկրի նախկին նախագահի երեխաները ավելի վաղ ԶԼՄ-ներով բազմիցս հայտարարել են, որ իրենց հայրը տառապում է քաղցկեղով, և որ 1997-2007թթ. ընթացքում նա ենթարկվել է 5 վիրահատության:
74-ամյա Ֆուխիմորիի նկատմամբ վերջին տարիներին կայացվել են մի քանի դատական մեղադրանքներ, որոնցից վերջինը խորհրդարանականներին կաշառելու փորձն է և հեռախոսային լրտեսումը:
Գերագույն դատարանը վճռել էր, որ նա պետք է ոչ միայն 6 տարի անցկացնի բանտում, այլև պետությանը վճարի 13.5 մլն դոլար տուգանք:
Նրա բանտարկության ժամկետը լրանում է 2013թ, փետրվարին, սակայն նա չի ազատվի, քանի որ մեղադրվում է նաև մարդու իրավունքների խախտման մեջ, որի համար դաատապարտված է 25 տարվա ազատազրկման:
Նրա ընտանիքը համաներման հույս ունի, քանի որ նախկին նախագահը կարող է մահանալ բանտում:
