Ճապոնիայի ընդդիմությունը, որպեսկառավարության գործողություններից բողոքի նշան, թույլ չի տվել երկրի վարչապետ Յոսիհիկո Նոդային ծրագրային ելույթով հանդես գալ վերին պալատում, ինչպես որ նախատեսվում էր: Այդպիսի դեմարշը աննախադեպ բնույթ ունի, ամբողջ հետպատերազմյան շրջանում նման բան երկրում չէր եղել:
Ավանդաբար խորհրդարանի աշխատանքի առաջին օրը վարչապետը երկու խորհրդարանների լիագումար նիստերին հանդես է գալիս ծրագրային ելույթով: Սակայն այս անգամ ընդդիմության առաջատար ուժը՝ Լիբերալ դեմոկրատական կուսակցությունը, և Կոմեյտո կուսակցությունը քվեարկել են, որպեսզի կառավարության ղեկավարին Վերին պալատում ամբիոն չտրամադրեն: Նրանք այնտեղ մեծամասնություն են կազմում և հիմնվում են այն բանի վրա, որ օգոստոսին վերին պալատը բանաձև է ընդունել՝ քննադատելով վարչապետի քաղաքականությունը:
Արդյունքում վարչապետն այսօր ելույթ կունենա միայն ստորին պալատում, որտեղ գերակշռում են իշխող Դեմոկրատական կուսակցության պատգամավորները:
Ընդդիմության այս դեմարշը վարչապետի շուրջը օղակը սեղմելու նրանց քաղաքականության մի մասն է, որով նրանք փորձում են հասնել արտահերթ ընտրությունների: Դրանցում, հարցումների համաձայն, իշխող դեմոկրատները ջախջախիչ պարտություն կկրեն:
