Վրաստանում թուրքերը սկսել են լուրջ տնտեսական ներդրումներ կատարել, ինչը խիստ մտահոգություն է առաջացրել ջավախահայության շրջանում:
Փորձագետ Վահե Սարգսյանը ահազանգեց, որ Փարվանա և Քուռ գետերի ՀէԿ-երի շինարարության ամբողջ բաժնետերերը այսօր թուրք ներդրողներն են:
Կարծախի մաքսատան կառուցումից հետո թուրք և ադրբեջանցի գործարարները ներթափանցում են Ջավախք: Ամեն քայլափոխի կարելի է թուրք և ադրբեջանցի ներդրողների հանդիպել, իսկ մաքսատան բացումից հետո վտանգն ավելի կահագնանա:
«Թուրք-ադրբեջանական օղակը սեղմում է հայկական Ջավախքը: Այսօր հայկական Ջավախքի մուսուլմանացման վտանգ կա: Ամբողջ աշխարհի աչքը այսօր Ջավախքի վրա է: Եվրոպան «Նաբուկո» է կառուցում, Ադրբեջանը` ճանապարհներ, Թուրքիան ներդրումներ է անում, իսկ այս խաղի մեջ դուրս է մնացել Հայաստանը, և ժամանակն է, որ Հայաստանի իշխանությունները նույնպես մտնեն այս խաղի մեջ, որ ամբողջ աշխարհն է սկսել: Տնտեսական ներդրումները նույնպես քաղաքականություն են թելադրում, եթե այսպես շարունակվի, Ջավախքը կլցվի թուրքերով և ադրբեջանցիներով, և հայերը ստիպված են լինելու ադրբեջանցիների կառուցած ճանապարհով լքել Ջավախքը»,- այս մասին ահազանգեց Վահե Սարգսյանը: