Գիտնականների վերջին հետազոտությունների համաձայն` օվկիանոսային ջրերի հետագա տաքացումը կարող է հանգեցնել պլանկտոնների` արևադարձից դեպի բևեռներ գլոբալ «վերաբնակեցման», ընդ որում` ֆիտոպլանկտոնի հաշվին, որը կտեղաշարժվի դեպի ցուրտ պայմաններ, արևադարձային տարածքներում կենսաբազմազանությունը կկրճատվի 40 տոկոսով, կարծում են գիտնականները:
Հետազոտության հեղինակները պարզաբանում են, որ ջրի տաքացումը, ամենայն հավանականությամբ, կսահմանափակի միկրոօրգանիզմների աճի և ֆոտոսինթեզի ունակությունը: Այսպիսի եզրակացության գիտնականները եկել են` վերլուծելով 1935-2011թթ. տվյալներն ու հետազոտելով 130 տեսակի ֆիտոպլանկտոնների կլիմայի փոփոխություններին հարմարվելու ունակությունը: Պարզվել է, որ ֆիտոպլանկտոնն ավելի լավ է հարմարվում իրեն անհրաժեշտ ջերմաստիճանից ցածր ջերմաստիճանին, քան` բարձր:
Գիտնականները նշում են, որ ներկայումս պլանկտոնների արևադարձային տեսակներ կարելի է հանդիպել նույնիսկ Արկտիկայում: Ամերիկացի գիտնականների տվյալներով` վերջին 135 տարում ջերմաստիճանը մինչև 7,000 մ խորության վրա բարձրացել է Ցելսիուսի 0,33 աստիճանով, իսկ մակերեսային շերտերում` մինչև 0,6 աստիճանով:
